Сэтгэлч

shop.suunsuvd.mn

https://www.facebook.com/business.suunsuvd/

Оюун санааны манлайлагч, алсын хараатай сайн үйлстэн, мистик, иогч Садгүрү туйлын сайн сайхан оршихуйд хүрэх цаг хугацаагаар шалгагдсан арга зам, иогийн сонгодог шинжлэх ухааныг Нью-Йорк Таймсын бэстселлер энэхүү номдоо толилуулж байна.&nbsp;Иогийн шинжлэх ухаанаар туйлын сайн сайхан оршихуйд хүрэхүйХатха иог гэх нэрээр танигдсан хичээл дадлага бол иогийн мэдлэгийн найман мөчрийн ердөө нэг нь юм. Иог бол дотоод энергиэ ашиглах, идэвхжүүлэх замаар бие сэтгэлийн хамгийн зохист дээд чадамждаа хүрэх боломжийг олгодог, өөрийгөө хүчирхэгжүүлэх нарийн боловсронгуй систем билээ. Энэ нь дотоод төлөвөө хүссэнээрээ цогцлоож, баяр баяслынхаа бүтээгч болохыг хэлнэ. Иогч ийнхүү хязгааргүй тэлсэн төлөвт оршдог. Номын эхэнд Садгүрү байгаль дэлхийг жигтэй сонирхдог жаал хүү байхаасаа эхлээд Энэтхэг орныг мотоциклоор хөндлөн гулд хэрсэн зоримог залуу насны түүхээ, мөн Өмнөд Энэтхэгийн нэгэн уулын оройд туйлын нэгдэлд хүрч, цаг хугацаа зогссон мэт болох үед тэрхүү туршлага нь түүнийг хэрхэн эргэлт буцалтгүй эрс өөрчилсөн тухай өгүүлжээ.&nbsp;Баяр баясал дүүрэн амьдрах сургаал ба арга хэрэгслүүд“Гүрү гэдэг нь үгчилбэл харанхуйг үлдэн хөөгч гэх утгатай. Гүрүгийн хувиар надад бусдад заах номлол, ойлгуулах философи, түгээх итгэл үнэмшил байхгүй. Учир нь хүн төрөлхтөнд нүүрлэсэн бүхий л гай зовлонгийн шийдэл нь хүн өөрийгөө хувьсган өөрчлөхөд оршино. Өөрийгөө хувьсган өөрчилнө гэдэг хуучнаас тань юу ч үлдэхгүй гэсэн үг. Энэ бол амьдралыг өөр хэмжээсээр туршлагадаа хүртэн мэдэх шилжилт юм” хэмээн Садгүрү бичжээ. Энэхүү ном цаг хугацаагаар шалгагдсан, амьд, гэрэлтсэн мэдлэгийг хэн хүний ой тойнд буухуйц, сэтгэл татам хэлбэрээр хүргэж байна. “Дотоод инженерчлэл” ном танд хүн байхын утга учрыг цоо шинээр харах, баяр баясал дүүрэн амьдрах арга замыг санал болгох болно. Нүүрний тоо: 260 нүүр

Дотоод инженерчлэл (Баяр баясалд хүрэх иогчийн хөтөч)

Номын зохиогч Том Батлер-Боудоныг нэгэн уншигч “амаргүй сэдвийг өгөөжтэйгөөр хүүрнэж чаддаг учраас бүтээлийг нь уншихад шинийг танин мэдэх төдийгүй илүү ихийг сурах хүсэл төрдөг” хэмээн үнэлжээ. Номын эхний дэвтрийг уншсан хүмүүс үүнтэй санал нэгдэх биз ээ. Бүлэг бүхэнд тодорхой сэдвийг сэтгэл судлалын ухааны түүх, алдарт судлаачдын намтар, цаг үедээ үзүүлсэн нөлөө, ололт амжилт, алдаа дутагдлын хамт сонирхолтой өгүүлжээ. Хүн бүрийн мэдвэл зохих, сэтгэл судлалын ухааны хуучны болон орчин цагийн гол ойлголт, ололтыг уг бүтээлээс уншаарай. Номын энэхүү хоёрдугаар дэвтэрт:&gt; Хайрын мөн чанар&gt; Аз жаргалтай таарсан нь&gt; Жинхэнэ итгэгч&gt; Гэргийгээ малгайтай андуурсан эр&gt; Эрх мэдлийг дагахуй&gt; Аз жаргалтай гэрлэлтийн долоон зарчим&gt; Хүүхдийн хэл яриа ба бодол гэх зэрэг хувь хүний болоод гэр бүл, хүүхэд, нийгмийн сэтгэл зүйг хамарсан сонгодог бүтээлүүдийг тоймлон толилуулсан байна.&nbsp;&nbsp;Нүүрний тоо:&nbsp;219 нүүр

Сэтгэл судлалын сонгодог 50 бүтээл (2-р дэвтэр)  

Сэтгэл судлалын ухааны зуу гаруй жилийн түүх, хэдэн зуун санааг багтаасан энэхүү ном хүний мэдрэмж, үйл хөдлөл, идэвх тэмүүлэл хаанаас бий болдог, бидний тархи хэрхэн ажилладаг, хүний өөрийгөө үзэх үзэл хэрхэн төлөвшдөг зэрэг хамгийн сонирхолтой асуултуудыг хөндөж байна. Уншигч та эдгээр сэдвийг судалснаар өөрийгөө улам сайн таниад зогсохгүй, хүний мөн чанарыг илүү гүнзгий ойлгож, бусадтай тогтоох харилцаанд тань дэвшил гарч, ажлын үр бүтээмж ч дагаад нэмэгдэнэ. Товчхондоо энэ мэдлэг таны амьдралд эерэг үр дүн авчрах нь дамжиггүй. Энэхүү номд сэтгэл судлалын түүхэнд тодоор үлдсэн Фройд, Адлер, Юнг, Скиннер, Жеймс, Пиаже, Павлов, мөн орчин үеийн төлөөлөгчдөд зүй ёсоор тооцогдох Гарднер, Гилберт, Гоулман, Селигман нарын бүтээлүүд багтсан. Бүтээл бүрийн тайлбарт номын гол санаанууд, цаг үеийн онцлог, зохиогчийн үзэл бодолд нөлөөлсөн урсгалуудын тухай өгүүлнэ. Номыг “мэргэжлийн бус хүмүүст зориулсан сэтгэл судлалын ном” байлгах үүднээс хэн ч уншихад ойлгомжтой, энгийн хэлбэрээр бичжээ. Нүүрний тоо:&nbsp;215 нүүр

Сэтгэл судлалын сонгодог 50 бүтээл (1-р дэвтэр) 

Сошиал сүлжээнд цувж л байдаг урам зоригийн эшлэлүүд таныг егөөдөж байх шиг санагддаг уу? “Зэн харандаа” ном ухаарал хайрлах урам зоригийн эшлэлүүдийг комик түүхээр дүрсэлж, шинэлэг хэлбэрээр хүргэжээ. Номын зохиогч олон жил хийсэн график дизайнерын ажлаа орхиж, комик ном бүтээх чин хүсэлтэй байв. Эцэст нь тэр зориглож ажлаасаа гараад, хайртай эшлэлүүдээрээ комик түүх бүтээн, цахим орчинд түгээх болжээ. Ийнхүү зарим хүний хувьд хол хөндий сонсогддог байсан мэргэн үгс комик баатрын биед амилж, олон мянган хүнийг урам зоригоор хөглөх болсон юм. Тэрээр хамгийн олонд түгсэн түүхүүдээ эмхэтгэн ном болгосон нь Нью-Йорк Таймсын бестселлер жагсаалтад багтаж, насанд хүрэгчдийн ангилалд шилдэг борлуулалттай номоор шалгарч байлаа. Энэхүү номын сэтгэл хөдөлгөм түүхүүд уншигч таны ч хүсэл тэмүүлэл, бүтээлч сэтгэлгээг хөглөх болно. Нүүрний тоо:&nbsp;88 нүүр

Зэн харандаа – 1

Олон жил сонирхолгүй ажлаа хийж амьдарсан Бронни бүсгүй нэг өдөр бүхнийг өөрчлөхөөр шийдэв. Өөрийгөө хайн явах зуураа тэр эдгэх найдваргүй хүнд өвчтөнүүдийн асрагчаар ажиллаж эхэлжээ. Тэдгээр хөөрхийлөлтэй хүмүүс, тэдний гэр бүлтэй өнгөрөөсөн цаг мөчүүд түүнийг эргэлт буцалтгүй өөрчилж, Бронни амьдралыг огт өөр нүдээр харах болов. Нэгэн өдөр тэр блогтоо “Үхлийн ирмэг дэх 5 харуусал” нэртэй нийтлэл бичсэн нь интернэтэд 3 сая гаруй хандалт авч гайхам амжилтад хүрчээ. Алдар нэр нь түгсэн бүсгүй хэвлэлийн газартай гэрээ хийж анхны номоо хэвлүүлсэн нь энэ юм. Өвчтөнүүдийнхээ тухай, тэдний харамслын тухай, энэ бүх хугацаанд өөрөө хэрхэн хувьсаж өөрчлөгдсөн тухайгаа өгүүлсэн түүний энэ ном уйлж, бас инээж уншихаар, амьдралын үнэ цэнийг шинээр ухааруулахаар бүтээл болжээ. Нүүрний тоо:&nbsp;271 нүүр

Дотоод инженерчлэл (Баяр баясалд хүрэх иогчийн хөтөч)

Сэтгэл судлалын сонгодог 50 бүтээл (2-р дэвтэр)

Сэтгэл судлалын сонгодог 50 бүтээл (1-р дэвтэр)

Зэн харандаа – 1

Үхлийн ирмэг дэх таван харамсал

Туслах цэс

Холбоо барих